Balla: Basha po udhëzon partinë e tij në çdo bashki për një karshillëk të ri dhune

“Lulzim Basha nën frymëzimin e Sali Berishës po udhëzon partinë e tij në çdo bashki se si ta përdorin vdekjen tragjike të 25-vjeçarit, për një karshillëk të ri dhune”, tha sot kryetari i grupit parlamentar të Partisë Socialiste, Taulant Balla.

Ndërsa ka publikuar një video nga protesta e dhunshme në Tiranë Balla tha se “dhuna e djeshme në disa qytete është organizim ekskluziv i Lulzim Bashës, të cilët bëjnë sikur solidarizohen me protestën e Stresit në Tiranë”.

“Lulzim Basha po tenton të ndezë vatra dhune duke sulmuar bashki apo objekte të tjera sikurse ndodhi në Korçë, pas Tiranës. Përdhosja e simboleve të Krishtlindjeve është një porosi e turpshme Lulzim Bashës dhe e atit të tij politik, Sali Berisha”, tha Balla.

Fraksion.com