Thyen këmbën Presidenti i zgjedhur, Biden

Presidenti i zgjedhur, Joe Biden, pësoi thyerje të lehta në këmbë derisa po luante me një nga qentë e tij të dielën.

Mjeku i tij tha se atij mund t’i duhet të mbajë një “çizme mbrojtëse” për disa javë.

Zyra e zotit Biden tha se ai rrëshqiti të shtunën, ndërsa të dielën presidenti i zgjedhur 78-vjeçar nga radhët e Partisë Demokratike, bëri një incizim me rreze rëntgen.

Mjekët fillimisht menduan se ai kishte ndrysur kyçin e këmbës, por urdhëruan megjithatë një kontroll më të hollësishëm.

Mjeku i tij personal, Kevin O’Connor, tha se “një skanim shtesë nxori në shesh se ai kishte pësuar thyerje të lehta në këmbë”.

Get well soon! https://t.co/B0seiO84ld

— Donald J. Trump (@realDonaldTrump) November 30, 2020

Pas fitores ndaj presidentit Donald Trump në zgjedhjet presidenciale të 3 nëntorit, Joe Biden do të jetë personi më i moshuar ndonjëherë që merr detyrën kur të hyjë në Shtëpinë e Bardhë më 20 janar. Shëndeti i tij ka të ngjarë të ndiqet nga afër si nga aleatët ashtu edhe nga kundërshtarët.

Fraksion.com