Shpërthimi me tritol në derën e lokalit në Shkodër; Merren në pyetje 6 persona, mes tyre djali i pronares i përfshirë në një plagosje me thikë në gusht

Detaje të reja janë zbardhur nga shpërthimi me tritol i ndodhur mbrëmjen e djeshme, në derën e lokalit të Hana Fojletës, në qytetin e Shkodrës.

Në Polici, deri më tani janë marrë në pyetje 6 persona në lidhje me këtë ngjarje, mes tyre edhe djali i pronares, Aleksandër Foljeta, i cili në muajin gusht ishte përfshirë në një plagosje me thikë.

Tre muaj më parë, djali i 46 vjeçares ka plagosur lehtë me thikë dy persona.

Edhe pse u arrestua për këtë ngjarje, më pas djali i pronares u la i lirë.

Në pyetje për shpërthimin e lokalit janë marrë edhe dy personat me të cilët ai ka pasur konfliktin në gusht.

Nuk dihet nëse shpërthimi në lokalin e 46 vjeçares, ka lidhje me plagosjen me plagosjen me thikë ku është përfshirë më herët djali i saj, por policia vijon hetimet për zbardhjen e pistave.

Nga shpërthimi me tritol ditën e djeshme ka pasur vetëm dëme të shumta materiale, dhe jo për të lënduar, pasi në momentin kur ka plasur lënda shpërthyese, nuk ka pasur njerëz aty pranë.

Fraksion.com