Udhëheqësit e Kosovës urojnë zotin Biden për fitoren
Vjosa Osmani, ushtruese e detyrës së presidentes së Kosovës, Vjosa Osmani shprehu bidnjen ne urimin e saj drejtuar zotit Biden dhe zonjës Kamala Harris se “nën udhëheqjen tuaj si president amerikan dhe nën presidente amerikane, demokracia do të lulëzojë në Amerikë dhe në gjithë botën”.
On behalf of the people of #Kosovo, I extend warm congratulations to @JoeBiden & @KamalaHarris on their election to lead the people of the United States 🇺🇸! I'm convinced that under your leadership as 🇺🇸 President & VP, democracy will thrive in America and around the world. 1/2 pic.twitter.com/LRcHRI1FY6
— Vjosa Osmani (@VjosaOsmaniMP) November 7, 2020
Kryeministri i Kosovës, Avdullah Hoti, tha se mezi pret “të fuqizojmë partneritetin tonë të përjetshëm me Shtetet e Bashkuara dhe të vazhdojnë punën tonë në emër të njerëzve tanë dhe në shërbim të vlerave tona të përbashkëta”.
Kryetari i lëvizjes Vetëvendosje, Albin Kurti, e quajti historike fitoren e zotit Biden duke e cilësuar atë mik dhe aleat të vjetër të popullit të Kosovës.
“Udhëheqja juaj është e nevojshme në Amerikë, po aq sa në botë, për të rikthyer besimin në demokraci, sundimin e ligjit dhe dinjitetit njerëzor. Mezi pres të forcojmë lidhjet tona”, shkroi ai.
Në urimin e tij, ushtruesi i detyrës së kryetarit të Partisë Demokratike të Kosovës, Enver Hoxhaj, e quajti zotin Biden mik të madh dhe mbështetës të Kosovës së lirë dhe të pavarur.
“Kjo është fitore e vlerave euro-atlantike të lirisë dhe demokracisë, që janë shtylla të kushtetutës sonë dhe të aleancës ndërmjet Kosovës dhe Shteteve të Bashkuara”, shkroi ai.
Ndërsa kryetari i Aleancës për Ardhmërinë e Kosovës, Ramush Haradinaj uroi “mikun e vjetër të Kosovës Joe Biden për fitoren në zgjedhjet presidenciale dhe zonjën Kamala Harris, për arritjen historike në zgjedhjen e saj si nënpresidente”.
“Të punojmë së bashku për të forcuar lidhjet strategjike ndërmjet Kosovës dhe Shteteve të Bashkuara”, shkroi ai./voa
