Brataj: Medikamenti që nuk duhet të përdorni kundër COVID-19, i paautorizuar në Europë e as në SHBA
Kreu i Urgjencës Kombëtare Mjekësore, Skënder Brataj apeloi sot qytetarët të bëjnë kujdes me përdorimin e antiviralëve dhe medikamenteve të paautorizuara.
Konkretisht, Brataj sjell në vëmendjen antiviralin Favipiravir (Avigan), për të cilin shprehet se përdorimi i tij është i paautorizuar në Europë.
“Duke parë se kohët e fundit është bërë e modës përdorimi i disa antiviralëve, medikamente të pa autorizuara doja të sillja në vëmendjen e qytetarëve të bëjnë kujdes mbi përdorimin e tyre. AIFA (Agjensia Italiane e Barnave) deklaron se: përdorimi i Favipiravir për COVID-19 është i paautorizuar në Europë dhe SH.B.A., ka pak prova shkencore mbi efektivitetin e tij”, shprehet Brataj.
Në lidhje me informacionin e fundit të qarkulluar në internet dhe në shtyp për përdorimin e produktit medicinal me bazë favorizimin në trajtimin e COVID-19, sipas Brataj, Agjencia Italiane e Barnave specifikon se Favipiravir (emri tregtar Avigan) është një antiviral i autorizuar në Japoni që nga marsi 2014 për trajtimin e formave të gripit të shkaktuara nga viruse të reja, ose të rishfaqura të gripit dhe përdorimi i tij është i kufizuar në rastet kur antiviralët e tjerë janë jo efikas. Ilaçi, bën të ditur Brataj, nuk është i autorizuar në Europë dhe as në SHBA.
“Deri më tani, nuk ka studime klinike në lidhje me efikasitetin dhe sigurinë e ilaçit në trajtimin e sëmundjes COVID-19. Të dhënat e deritanishme nuk janë vlerësuar nga ekspertët. Megjithëse të dhënat e disponueshme duket se sugjerojnë një aktivitet të mundshëm të favoripiravirit, veçanërisht në lidhje me shpejtësinë e zhdukjes së virusit nga gjaku dhe në disa aspekte radiologjike, ekziston një mungesë e të dhënave mbi efikasitetin aktual në përdorimin klinik dhe mbi evolucionin e sëmundjes. Të njëjtët autorë raportojnë si kufizime të studimit që marrëdhënia midis titullit viral dhe prognozës klinike nuk është kuptuar mirë dhe, meqenëse ky nuk është një studim klinik i kontrolluar, mund të ketë shtrembërime të pashmangshme të përzgjedhjes në rekrutimin e pacientit”, informon Brataj.
Komisioni Tekniko-Shkencor i AIFA, thekson ai më tej, duke u takuar në një seancë të përhershme, rivlerëson çdo ditë të gjitha provat që bëhen të disponueshme për të qenë në gjendje të ndërmarrë ndonjë veprim (përfshirë autorizimin e shpejtë për të kryer prova klinike), në mënyrë që të sigurojë menjëherë mundësitë më të mira terapeutike për COVID-19, bazuar në të dhëna të forta shkencore.
“Dozat e përdoruara me 8 apo 16 tableta njëherësh, pra në një soministrim, është për tu vlerësuar me kujdes mbi efektet toksike hepatike (mëlçisë)”, deklaron Brataj.
Fraksion.com
