Të shtunën mbyllet regjistrimi në 36 universitetet publike dhe private

Procesi i regjistrimeve në 36 universitetet publike dhe private, mbyllet më 31 tetor.

Nga aplikantët e raundit të tretë dhe të fundit, janë rreth 1100, që nuk janë regjistruar dhe e kanë ende mundësinë (last chance).

Ata mund të paraqiten pranë fakultetit, ku kanë aplikuar në njërin nga raundet, dhe gjithmonë nëse ka kuota të lira, regjistrohen.

Aktualisht janë regjistruar rreth 21 mijë maturantë në universitetet tona publike e private.

Parashikohet që bashkë me regjistrimet e këtyre dy ditëve të fundit, numri të shkojë në 22 mijë maturantë, që do nisin vitin e ri akademik, më 2 nëntor.

Këtë vit ka shumë aplikantë më mesatare të lartë nga 8.5 deri në 10. Kjo shpjegohet me pandeminë që frenoi aplikimet jashtë vendit, gjë që do të ndikojë në cilësinë e universiteteve shqiptare.

Fraksion.com