Rama shijon fundjavën në Valbonë me Zahon dhe Lindën
Kryeministri Edi Rama vizitoi të shtunën Valbonën, një ndër perlat e Alpeve Shqiptare, e cila shtrihet në Tropojë.
Në vizitën e tij në Valbonë, Rama shoqërohet nga bashkëshortja e tij, Linda Rama si dhe Zaho, djali i tyre i vogël.
Kryeministri publikoi foto nga një prej bujtinave të kësaj zone.
“Në bujtinën tradicionale të Kolë Gjonit, një shembëlltyrë e pasionit për punën në mes të një spektakli magjepsës të natyrës, ku Kola bashkë me gruan e djemtë presin e përcjellin vizitorë shqiptarë e turistë të huaj, duke e ndërtuar suksesin prej vitesh pa lëvizur nga vendi”, tha Rama.
Rama tha se qeveria po investon në Valbonë për ndërtimin e infrastrukturës që do të mundësojë zhvillimin më tej të zonës dhe rritjen e mirëqenies së banorëve.
“Të tjerë po kthejnë sytë çdo vit e më shumë kah Valbonës, me projekte interesante e me dëshirën për ta zbuluar këtë thesar mahnitës të Shqipërisë, ndërkohë që ne vazhdojmë të investojmë për ta mbështetur këtë zbulim me infrastrukturë, modele zhvillimi si qendra e re turistike, financime direkte për bujqësinë, blegtorinë, bujtinat, si edhe zgjidhjen e problemit të vjetër të pronësisë“, deklaroi Rama.
Fraksion.com