“Mos shaj si i dehur”; Rama – Metës: Komedia e marrëzisë po të bën gazin e botës

Kryeministri Edi Rama, ritheksoi sot domosdoshmërinë e mbajtjes së maskës, ndërsa reagoi lidhur edhe me deklaratën e kryetares së LSI-së, e cila u ka bëri thirrje qytetarëve që të mos mbajnë maska.

Rama tha se “unë kam zgjedhur të vë trëndafilin e socialistëve të 25 prillit”.

“Iliri mund të vërë Vojo Kushin. Maska prodhohet vetë, është një mbrojtëse tekstili. Nuk duhet të harxhosh asgjë”, u shpreh ai.

Lidhur me këtë deklaratë, reagoi presidenti Meta i cili tha se “Esati i Rilindjes, zëdhënësi i armiqve të Kombit Shqiptar, guxoi sërish sot të marrë nëpër gojë Vojo Kushin, duke ofenduar për të disatën herë Dëshmorët e Atdheut, familjarët e tyre, veteranët dhe të gjithë shqiptarët që nderojnë dhe krenohen me vlerat e Luftës Antifashiste Nacionalçlirimtare”.

“Esati i Rilindjes, pengu i armiqve më të egër të Kombit Shqiptar, që ka nxjerrë në shitje Shqipërinë dhe Kosovën provoi para të gjithë shqiptarëve për të disatën herë se i urren Dëshmorët dhe Heronjtë e Atdheut, si Vojo Kushi, që kanë sakrifikuar gjithçka, duke falur edhe jetën e tyre, për Atdheun”, u shpreh Meta.

“Esati i Rilindjes duhet ta ketë të qartë se numërimi mbrapsht për të dhe Sektin pa nder, pa vlera e pa Atdhe që përfaqëson, ka filluar dhe nuk do ndalet”, theksoi Meta.

Në reagimin e tij, Kryeministri Rama i drejtohet Presidenti duke u shprehur se nuk ka vend në botë, që t’u jap dekorata heronjve të luftërave të kaluara.

“Ilir, ti duhet ta kuptosh se nuk ka pasur para teje dhe nuk do ketë pas teje, as principatë, as monarki, asrepublikë në botë, që të ketë dhënë dekorata për heronjtë e luftërave të shkuara. Kjo është komedia e një marrëzie të pashoqe që të bën gazin e botës dhe të republikës sonë”, shprehet Rama.

Po ashtu, Rama shtoi se Presidenti Meta shan si i dehur për duke nxitur ndasi për hir të interesave të tij.

“Heronjtë mbaji në zemër e në mendje kur flet e vepron, duke respektuar detyrën e lartë e duke dhënë shembullin që detyra të imponon, jo duke sharë si i dehur me ata në gojë e duke nxitur dasi, sherr e rrëmuja për interesat e tua krejt personale dhe për partinë tënde të degraduar”, shprehet Kryeministri Rama.

Fraksion.com