“Kurrë s’e kam besuar virusin”, këngëtari shqiptar infektohet me COVID-19 dhe bën thirrje nga shtrati i spitalit

Covid-19 i ishte dukur “një lojë” këngëtarit shqiptar Valton Krasniqi, i cili ka rezultuar i infektuar me koronavirus.

Ai ka ndarë foto nga shtrati i spitalit teksa qëndronte i lidhur me aparaturat, ndërkohë që dha lajmin se është pozitiv.

Gjithashtu, këngëtari tregoi se nuk e kishte besuar virusin derisa e kishte provuar në lëkurën e tij.

Për më tepër, ai i ka bërë thirrje të gjithëve të bëjnë kujdes, pasi situata mund të të rrëshkasë shumë shpejt nga duart.

“Tani sa e mora lajmin se jam pozitiv nga COVID-19, kurrë se kam besuar këtë virus. Keni kujdes ruani vetën familjen dhe shoqërinë e juaj. Zoti ju ndihmoftë”, shkruan Krasniqi krahas fotos së tij.

Kryeministri Edi Rama njoftoi masat e reja anti-COVID, të cilat e kanë bërë të detyrueshme maskën si në ambientet e brendshme edhe në ato të jashtmet.

Gjithashtu, ai kërkoi ndërgjegjësim nga qytetarët për të parandaluar një karantinë të dytë, drejt të cilës po shkojnë shumë vende.

Fraksion.com