Ngjela: PD dhe PS tentuan të bënin qeveri të përbashkët, u refuzuan nga SHBA
Avokati Spartak Ngjela ka nxjerrë disa prapaskena të forta të politikës shqiptare, ndërsa zbuloi se partitë kanë tentuar të bëjnë një qeveri të përbashkët rreth një muaj e gjysmë më parë. Siç duket, ky inskenim s’ka patur mbështetjen e ndërkombëtarëve, të cilët e kanë frenuar.
Në një intervistë në ‘ABC News’, Ngjela u shpreh se kjo nismë e tyre e cila kishte “moton” anti-reformë, është frenuar në sajë të ndërhyrjes së ndërkombëtarëve. Ai lëshoi më tej një tjetër deklaratë të fortë, teksa tha se listat e hapura i kërkon vetëm opozita parlamentare.
“Halli i përbashkët të bashkon se dy parti janë në konflikt me njëri-tjetrin për pushtetin. Por para një muaji e gjysmë donin të bënin qeveri të përbashkët, që ta bënin mirë grupin anti-reformë. Por nuk i la ajo. Atëherë Rama doli me kod tjetër. Opozita parlamentare kërkon lista të hapura, por nuk dalin këta me lista të hapura as njëra as tjetra”, tha Ngjela.
Fraksion.com
