Rama: Meta takohet skutave me trafikantët që preken nga OFL, por kjo gjuhë s’i shkon me PS! Opozita e re s’do marrë asnjë votë as me…
Nga Kuvendi, kryeministri Edi Rama ka hedhur akuza të forta për kreun e shtetit Ilir Meta, duke e akuzuar se takohet skutave me trafikantë që ndiqen nga Operacioni Forca e Ligjit.
“SHPK për të lëshuar deri në viktimat e OFL që kontaktohen nëpër skuta katundesh nga i pari i vendit nuk ka. T’i harroj Ilir Meta, që del e flet në emër të Kushtetutës me një gjuhë që mbase i shkon me viktimat e OFL, po nuk i shkon e PS dhe popullin shqiptar”, tha Rama.
Teksa fliste nga vendi, për shkak se foltorja ishte e bllokuar nga deputetja Rudina Hajdari, Rama komentoi edhe këmbënguljen e opozitës për lista të hapura! Kreu i shtetit iu përgjigj duke i thënë se nuk do të marrin asnjë votë as me lista të hapura, e as “të shqyera”, siç ai i cilësoi, pasi sipas tij opozita e re, por edhe ajo jashtëparlamentare i di shqiptarët për budallenj.
“Ca kërkoni nga PS shërbëtoren tuaj apo të asaj që janë jashtë jemi këtu për ata që na kanë zgjedhur dhe për t’i shërbyer këtij vendi dhe e dini pse do vazhdojmë ta udhëheqim këtë vend, jo se jemi pa gabime apo të rënë nga qielli, por sepse ky popull nuk është budalla. Dhe ata që flasin në emër të popullit, qoftë përfaqësues i lartë apo i verbër në rrjetet sociale, është i destinuar që nga ky popull të marrë dënimim. Ua kamë thënë opozitës dhe po ua them dhe ju. Nuk merrni vota u as me lista të hapura e as të shqyera se ju e dini popullin budalla, për aq kohë ju s’keni shans që të konkurroni PS. Listat janë të hapura, nuk kemi shpikur asnjë model, Do rrëzojmë një shpikje, që është karteli i partive me koalicione, ku votat i merr njëri dhe ia kalon tjetri pa pikë turpi dhe kushto që hyn në listë mund të zgjidhet, por duhet të marrë votat. Patjetër që PS nuk është as kompani fitimprurëse dhe nuk është as PD, as një furgon i shpikur KCK dhe as një tren mallrash si kartelet e koalicioneve të PD, është një familje politike ku ka rregulla dhe ka të drejtë që të rendisë skuadrën e vet, nga portieri te sulmuesi bashkë me rezerva dhe cdo rezervë që merr votat futet në fushë, shumë e thjeshtë. SHPK për të lëshuar deri në viktimat e OFL që kontaktohen nëpër skuta katundesh nga i pari i vendit nuk ka. T’i harroj Ilir Meta, që del e flet në emër të Kushtetutës me një gjuhë që mbase i shkon me viktimat e OFL, po nuk i shkon e PS dhe popullin shqiptar”, tha Rama.
Fraksion.com
