Kuvendi miraton me 97 vota pro ndryshimet në Kodin Zgjedhor

Kuvendi miratoi sot ndryshimet në Kodin Zgjedhor.

Kuvendi miratoi sot në tërësi me 97 vota pro, 15 kundër dhe 5 abstenime projektligjin “Për disa ndryshime dhe shtesa në ligjin nr. 10.019, datë 29.12.2008 “Kodi zgjedhor i Republikës së Shqipërisë” të ndryshuar””.

Në bazë të ndryshimeve të miratuara sot nis ndërtimi i infrastrukturës për zgjedhjet e 25 prillit.

Në Kodin e ri Zgjedhor u reflektuan ndryshimet kushtetuese të miratuara nga Kuvendi në korrik, ku bëhet hapja e listave dhe ruhen koalicionet parazgjedhore me listë unike, ndërsa pragu elektoral është 1%.

Kodi i ri Zgjedhor parashikon që 100% të emrave në listat e partive apo koalicioneve i nënshtrohen votës preferenciale.

Fraksion.com