Rimëkëmbja ekonomike globale mund të zgjasë pesë vjet, thotë kryekonomistja e Bankës Botërore

Rimëkëmbja ekonomike globale  që nga fillimi i krizës nga pandemia e koronavirusit mund të zgjasë deri në pesë vjet, tha të enjten kryekonomistja e Bankës Botërore Carmen Reinhart.

“Ndoshta do të ketë një kthim të shpejtë pasi të gjitha masat e kufizimit të lidhura me bllokimet hiqen, por një rimëkëmbje e plotë do të zgjasë deri në pesë vjet,” tha Reinhart në një ndërhyrje të largët gjatë një konference të mbajtur në Madrid.

Reinhart tha se recesioni i shkaktuar nga pandemia do të zgjasë më shumë në disa vende sesa në të tjerët dhe do të përkeqësojë pabarazitë pasi më të varfrit do të goditen më shumë nga kriza në vendet e pasura dhe vendet më të varfra do të goditen më shumë se vendet e pasura.

Për herë të parë në njëzet vjet, nivelet globale të varfërisë do të rriten pas krizës, shtoi ajo.

Fraksion.com