“Preng Gjini ka jetuar i fshehur”; Detaje nga atentati në Tiranë; Lënda plasëse ishte vendosur sipër gomës së parë
Detaje të reja janë mësuar nga atentati me eksploziv ndaj Preng Gjinit.
Gjendja e të plagosurit
Burime nga Spitali i Traumës thanë se gjendja e 51 vjeçarit Preng Gjini paraqitet jashtë rrezikut për jetën.
Dëmtimet më të mëdha i ka marrë në pjesën abdominale, për shkak të të cilave ka kryer një intervent. Pavarësisht forcës së madhe shpërthyese, 51 vjecari nuk ka marrë dëmtime shumë serioze, sepse i ka shërbyer si mburojë motori i makinës.
Detaje nga hetimet
Prej vdekjes së të vëllait, 51 vjecari ka jetuar i fshehur, pasi i druhej një atentati. Pjesën më të madhe të kohës ka jetuar në Tiranë, ndërsa 2 vajzat e tij dhe bashkëshortja jetojnë në Amerikë.
Ai kryente levizjë shumë të pakta në kryeqytet dhe pjesën më të madhe të kohës ishte në shoqërinë e kushëririt të tij, që ka banesën shumë pranë vendit ku ndodhi shpërthimi ( pas UET).
Burime bëjnë me dije se Preng Gjini mbërriti në afërsi të vendngjarjes 15 minuta para shpërthimit.
Mjeti ku ishte vendosur lënda plasëse është në pronësi të kushëririt të Gjinit. Atentatorët kanë pasur si objektiv sulmi pasagjerin e mjetit, që në të shumtën e ditëve ishte 51 vjecari. Por, për rrethana që ende nuk dihet, mbrëmjen e djeshme ai lëvizi i vetëm në makinë, në pozicionin e drejtuesit të mjetit.
Dy të plagosurit e tjerë që ishin kalimtarë, italiani dhe 14-vjeçari kanë lënë spitalin. Nga familja Reçi, disa persona janë shoqëruar në polici, por nuk ka prova kundër tyre.
Fraksion.com
