“Ekspertizë nga OSBE/ODIHR”; Opozita e Bashkuar kërkon mbledhjen e Këshillit Politik të mërkurën

Opozita e Bashkuar kërkon thirrjen e mbledhjes së Këshillit Politik nesër në orën 10:00.

“Në vijim të mbledhjes së ditës së hënë, me qëllim gjetjen e konsensusit për kërkesën e Opozitës së Bashkuar, për marrjen e ekspertizës së OSBE/ODIHR, për çështjet që nuk biem dakord në Këshillin Politik, siç parashikohet edhe në Marrëveshjen e 14 Janarit, kërkojmë: Thirrjen e mbledhjes së Këshillit Politik nesër, e mërkurë, në orën 10:00”, shprehet Opozita e Bashkuar.

Po ashtu, dy përfaqësuesit e Këshillit Politik, Oerd Bylykbashi dhe Petrit Vasili, shtojnë se “në këtë mbledhje Opozita e Bashkuar do të prezantojë kërkesën për marrjen e ekspertizës së OSBE/ODIHR. Për sa më lart, mbetemi në pritje të konfirmimit tuaj për mbledhjen e ditës së nesërme”.

NJOFTIMI I PD

Të nderuar kolegë,

Në vijim të mbledhjes së ditës së hënë, me qëllim gjetjen e konsensusit për kërkesën e Opozitës së Bashkuar, për marrjen e ekspertizës së OSBE/ODIHR, për çështjet që nuk biem dakord në Këshillin Politik, siç parashikohet edhe në Marrëveshjen e 14 Janarit, kërkojmë:
Thirrjen e mbledhjes së Këshillit Politik nesër, e mërkurë, në orën 10:00.

Në këtë mbledhje Opozita e Bashkuar do të prezantojë kërkesën për marrjen e ekspertizës së OSBE/ODIHR. Përsa më lart, mbetemi në pritje të konfirmimit tuaj për mbledhjen e ditës së nesërme.

Oerd Bylykbashi

Fraksion.com