Do jetë apo jo ministër? Rrëfehet Sandër Lleshaj: Marshin indietro nuk e njoh
A e ka ndarë mendjen Sandër Lleshaj, për të qenë ministër… Kjo ishte ajo se çfarë ministri i dha sërish një përgjigje indirekte në Open.
Lleshaj tha se është pjesë e ekipit të qeverisë dhe do të jetë edhe në vijim, ndërsa tha se nuk i ka kërkuar kryeministrit largimin nga qeveria.
“Ashtu siç e kam thënë do vijë një ditë që s’do jem më, është e sigurt. Sepse gjërat një ditë mbarojnë. Vjen një kohë biologjike që askush nuk është i përhershëm. Pyetja ishte e paspecifikuar”, tha ai.
Ndërsa e cilësoi këtë si një ngjarje pa rëndësi të madhe, ai tha se “unë vij me një histori të veçantë në këtë pozicion. Jam pjesë e një ekipi, dhe funksionoj si i tillë, marshin indietro nuk e njoh. Di që jam i angazhuar dhe kam një regjistër që me bëjnë të ndihem legjitim në pozicionin që jam” .
Fraksion.com
