“Ligjet e Shqipërisë janë shumë të qarta”; Yuri Kim: SPAK të jetë tërësisht funksional

“Është e rëndësishme pjesëmarrja politike dhe është e rëndësisë që udhëheqësit të lënë anash ndasitë politike e për tu bashkuar bashkë drejt një objektivi. Unë do të luaj një rol në mbështetjen e këtyre përpjekjeve. Është një lajm shumë i mirë që palët politike si jashtë dhe brenda parlamentit do të bien dakord për tu ulur sërish. Jam e sigurt që në fund do të mund të arrijnë një kompromis”,ha Kim më tej.

Ndërkohë ambasadorja dha një mesazh të fortë referuar SPAK, kur tha se po përpiqen t’i pengojnë në punën e tyre madje të intimidojnë gjykatësit dhe prokurorët.

“Është një gjë e mirë dhe ka ardhur koha që SPAK të jetë plotësisht funksional. Disa po përpiqen t’i pengojnë në punën e tyre madje do të intimidojnë gjykatësit dhe prokurorët por ka ardhur koha që SPAK të qëndrojë i fortë para këtyre personave” tha ajo nga Shkodra.

Ndërsa e pyetur për vonesën në implementimin e ndryshimeve në Kodin Zgjedhor, ajo tha:“Përfundimisht është përgjegjësi e drejtuesve dhe udhëheqësve politikë të Shqipërisë dhe jo e  ambasadores amerikane. Unë do të luaj një rol në mbështetjen e këtyre përpjekjeve por ky është një vend sovran dhe zyrtarët e zgjedhur kanë një përgjegjësi të cilës nuk mund ‘ti largohen. Mendoj se ligjet e Shqipërisë janë shumë të qarta dhe kushdo që e ka marrë atë letër e di saktësisht se për çfarë jam duke folur”.