Ballkani Perëndimor; Sekretari i Përgjithshëm i NATO-s diskuton mbi sigurinë rajonale me Avdullah Hotin, kryeministrin e Kosovës
Sekretari i Përgjithshëm i NATO-s Jens Stoltenberg priti në një takim Kryemistrin e Kosovës, Avdullah Hoti në Selinë e NATO-s në Bruksel, të martën (8 shtator 2020), për bisedime mbi zhvillimet aktuale në Ballkanin Perëndimor. Ky ishte takimi i parë personal në mes të dyve.
Sekretari i Përgjithshëm Stoltenberg përshëndeti raundin e fundit të bisedimeve të sponsorizuara nga BE midis Beogradit dhe Prishtinës i cili u zhvillua të hënën në Bruksel, duke nënvizuar se dialogu është mënyra e vetme për të arritur një zgjidhje të qëndrueshme politike në Ballkanin Perëndimor.
Z. Stoltenberg dhe Z. Hoti diskutuan gjithashtu marrëveshjen e arritur në Uashington për normalizimin e marrëdhënieve ekonomike midis Beogradit dhe Prishtinës.
Z. Stoltenberg theksoi se NATO është e bindur në mënyrë të vendosur për stabilitetin në Ballkanin Perëndimor përmes forcës paqeruajtëse të KFOR-it me 3.500 trupa në Kosovë. Ai shtoi se mandati i KFOR-it mbetet i pandryshuar: të mbajë një mjedis të sigurt dhe të mbrojtur dhe lirinë e lëvizjes për të gjithë njerëzit në Kosovë, në përputhje me Rezolutën e Këshillit të Sigurimit të Kombeve të Bashkuara 1244 të vitit 1999.
Duke adresuar pandeminë COVID-19, Sekretari i Përgjithshëm mirëpriti që Aleatët dhe partnerët e NATO-s tashmë kanë siguruar mbështetje të konsiderueshme mjekësore për të ndihmuar institucionet në Kosovë dhe se KFOR gjithashtu po ofron mbështetje të drejtpërdrejtë në shpërndarjen e furnizimeve. Ai shtoi se NATO tani po shikon se si Aleanca mund të mbështesë më tej Kosovën për t’iu përgjigjur pandemisë COVID-19.
Fraksion.com
