“Mesdheu Lindor dhe Libia”; Stoltenberg: Dialogu dhe de-përshkallëzimi janë në interes të rajonit

Sekretari i Përgjithshëm i NATO-s diskuton ngjarjet në Mesdheun Lindor dhe Libi, me ministrin e Jashtëm të Turqisë

 Sekretari i Përgjithshëm i NATO-s, Jens Stoltenberg foli përmes telefonit me Ministrin e Jashtëm turk Mevlüt Çavuşoğlu më 19 gusht 2020. Ata diskutuan zhvillimet e fundit në Mesdheun lindor, si dhe në Libi.

Sekretari i Përgjithshëm Stoltenberg shprehu shqetësime në lidhje me tensionet aktuale në Mesdheun Lindor. Ai theksoi se dialogu dhe de-përshkallëzimi janë në interesin më të mirë të rajonit, dhe se situata duhet të zgjidhet në një frymë të solidaritetit aleat dhe në përputhje me ligjin ndërkombëtar. Z. Stoltenberg kujtoi se Turqia dhe Greqia janë angazhuar si aleatët e NATO-s për dekada, duke punuar së bashku me të gjithë aleatët e tjerë për të adresuar sfidat e përbashkëta të sigurisë.

Mbi Libinë, Sekretari i Përgjithshëm theksoi se NATO mbështet plotësisht punën e Kombeve të Bashkuara për të gjetur një zgjidhje politike të krizës. Ai theksoi se të gjitha palët në Libi, dhe të gjithë anëtarët e bashkësisë ndërkombëtare, duhet të mbështesin procesin e udhëhequr nga KB dhe të respektojnë embargon e armëve të KB. Z. Stoltenberg shprehu gjithashtu mbështetje për Procesin e Berlinit, i cili është plotësues i përpjekjeve të KB për të arritur paqen dhe stabilitetin në Libi.

Fraksion.com