Qeveria miraton tri skema për nxitjen e punësimit në vend
Qeveria shqiptare ka miratuar tri skema të cilat synojnë të nxisin punësimin në vend.
Ministrja e Financave dhe Ekonomisë, Anila Denaj deklaroi sot se kemi miratuar një ditë më parë në qeveri vendimin i cili përcakton procedurat, kriteret dhe rregullat për zbatimin e programit të nxitjes së punësimit të personave të dalë të papunë si pasojë e COVID-19, nga data 10 mars 2020 deri në datën 23 qershor 2020.
“Programi zbatohet në përputhje me nevojat individuale të punëkërkuesit të papunë për t’u integruar në tregun e punës dhe me planin individual për punësimin e tij”, tha Denaj.
Sipas Denaj, programi është 4, 8 ose 12-mujor punësimi, në të cilin profili dhe nevojat e punëkërkuesit përshtaten me vendin e lirë nga punëdhënësi.
Për programin e punësimit katërmujor, Denaj tha se qeveria subvencionon financimin e pagës në shumën 100% të pagës minimale në shkallë vendi, për 2 (dy) muaj për të gjithë pjesëmarrësit në program, të kompensuara në muajin e parë dhe të katërt të kontratës.
Po ashtu, kontributet e detyrueshme shoqërore dhe shëndetësore (pjesë e kontributit të punëdhënësit), të llogaritura në bazë të pagës minimale në shkallë vendi, të ofruara gjatë të gjithë kohëzgjatjes së punësimit, të kompensuara çdo muaj.
Për programin e punësimit tetëmujor, Denaj bëri të ditur se qeveria subvencionon financimin e pagës në shumën 100% të pagës minimale në shkallë vendi, për 4 (katër) muaj për të gjithë pjesëmarrësit në program, të kompensuara në muajin e parë, të dytë, të shtatë dhe të tetë të kontratës.
Gjithashtu subvencionon kontributet e detyrueshme shoqërore dhe shëndetësore (pjesë e kontributit të punëdhënësit), të llogaritura në bazë të pagës minimale në shkallë vendi, të ofruara gjatë të gjithë kohëzgjatjes së punësimit, të kompensuara çdo muaj.
Për programin e punësimit 12 (dymbëdhjetë) mujor, ministrja Denajt tha se qeveria subvencionon kostot e financimit të sigurimeve të detyrueshme (kontribut i punëdhënësit dhe punëmarrësit) në masën 100%, të llogaritura në bazë të pagës minimale në shkallë vendi, të përcaktuara sipas legjislacionit në fuqi, të ofruara gjatë të gjithë kohëzgjatjes së programit, të kompensuara çdo muaj.
Fraksion.com
