Debat në Kuvend, Gjuzi: Isha mbrëmë në Qafë Shtamë zbulova kanabis! Ruçi: Boll, ulu!

Seanca e sotme e Kuvendit ka nisur si gjithmonë me replikat Ruçi-Gjuzi për cështjen e rregullores. Deputeti akuzoi kryetarin e Kuvendit se seancën e kaluar s’i dha fjalën të replikonte me Edi Ramën. Ndërkohë që akuzoi se kjo qeveri ka lënë Krujën pa ujë, pasi ai shkon për kanabisin. Madje, Gjuzi tha se e kontrolloi mbrëmë dhe në Qafë Shtamë kishte bimë të kultivuara.

“Ai i ka bërë shqiptarët të qajnë, Edi Rama i ka lënë pa ujë, sepse ka kanabis në Qafë Shtamë, e kam kontrolluar mbrëmë vetë. Nëse do të më pengoni herë tjetër për replikë, përgjegjësitë kalojnë tek ju. Nuk mund të pranoj as Murrzin kur thotë se Damiani duhet ti bëjë 100%.

Qeveria transitore do të bëhet. Nuk duhet të lejojmë që në datë 30 kryeministri të marrë të gjitha…nëse do të bëhet mbret, se thonë se është nip oborri, atëherë se të bëjë referendum. Më të dëmtuarit nga koalicionet është partia Konservatore” tha ai.

Por Kryetari i Kuvendit i kërkoi që të ulet. “Boll tani, po del jashtë procedurës. Kam një përgjegjësi që nuk kam marrë masë ndëshkimore për ndërhyrjet tuaja në mënyrë të përsëritur” tha ai.

Fraksion.com