COVID-19: Spanja dorëzon furnizime mjekësore në Irak
Të dielën më 26 korrik 2020, si përgjigje ndaj një kërkese për ndihmë ndaj COVID-19 nga Iraku në Qendrën Euro-Atlantike të Koordinimit të Emergjencave ndaj Fatkeqësive të NATO-s (EADRCC), Spanja dorëzoi furnizime kritike mjekësore për autoritetet irakene. Dhurimi nga Ministria e Mbrojtjes Spanjolle iu dorëzua Drejtorit të Qendrës Kombëtare të Operacioneve të kryeministrit, gjeneralmajor Mohamed Al Shimary, nga Zëvendës Shefi i Misionit të Ambasadës Spanjolle Mariana Figueroa Sánchez, gjatë një ceremonie të vogël në Bagdad International Airport.
Dërgesa e ndihmës përbëhej nga pajisje mjekësore thelbësore, duke përfshirë maska oksigjeni, doreza mbrojtëse personale, kostume mbrojtëse dhe maska për fytyrën N95, si dhe dezinfektues, pompa spërkatëse dhe ilaçe. Në bashkëpunim me Misionin e NATO-s Irak, Ambasada Spanjolle në Irak dhe Ministria Spanjolle e Mbrojtjes koordinuan dërgimin e sendeve në Irak duke përdorur një aeroplan komercial.
EADRCC është mekanizmi kryesor i NATO-s për reagimin ndaj urgjencave civile. Qendra operon mbi bazën 24/7, duke koordinuar kërkesat dhe ofertat e ndihmës. Që nga fillimi i pandemisë COVID 19, EADRCC ka koordinuar kërkesa nga Zyra e Kombeve të Bashkuara për Koordinimin e Çështjeve Humanitare (OCHA) nga 16 vende të NATO-s dhe vendet partnere, duke rezultuar në dhjetëra oferta ndihme.
Misioni i NATO-s Irak është themeluar më 1 nëntor 2018 me ftesë të Qeverisë së Republikës së Irakut dhe është e angazhuar për sovranitetin dhe integritetin territorial të vendit. Eshtë një mision këshillues, trainues dhe ndërtimi i kapaciteteve jo-luftarake dhe kontribuon në ndërtimin e sigurisë dhe stabilitetit duke ndihmuar Forcat e Armatosura të Irakut të bëhen të vetëqëndrueshme dhe gjithnjë e më efektive në mposhtjen e terrorizmit.
Fraksion.com
