COVID-19: Qendra Kombëtare e Urgjencës mbi 500 thirrje në ditë për koronavirusin

Ministrja e Shëndetësisë dhe Mbrojtjes Sociale, Ogerta Manastirliu, shpërndau sot një video nga Qendra Kombëtare e Urgjencës Mjekësore ku shihet stafi mjekësor në krye të detyrës.

Stafi i QKUM ka kryer mbi 350 misione në ditë në të gjithë vendin duke i’u përgjigjur në kohë qytetarëve.

Situata e krijuar nga përhapja e COVID19 ka rritur numrin e thirrjeve  dhe në dy javët e fundit janë kryer mbi 540 thirrje ditore, ndërkohë që janë kryer rreth 42 misione në ditë për persona të prekur apo të dyshuar me Covid19.