“Thirrje globale e KB për mbështetje”; COVID-19: Mbretëria e Bashkuar dërgon spitalin fushor në Afrikën Perëndimore

Pas kërkesës globale të Kombeve të Bashkuara për ndihmë ajrore në përgjigje të pandemisë COVID 19, Forca Ajrore Mbretërore nga  Mbretëria e Bashkuar transportoi një spital fushor nga Evropa në Akra, Ganë, në koordinim me Qendrën Koordinuese Euro-Atlantike të Reagimit të Fatkeqësive të NATO-s (EADRCC) . Kombet e Bashkuara e përdorën këtë mekanizëm për t’i bërë thirrje për ndihmë aleatëve të NATO-s në transportimin e sendeve mjekësore të nevojshme urgjente. Me ndërprerjen e fluturimeve tregtare dhe kostoja e fluturimeve për ngarkesa u përshkallëzua, kjo mbështetje erdhi në një kohë të rëndësishme.

Duke iu përgjigjur kërkesës së Kombeve të Bashkuara, një aeroplan ngarkesash i forcave ajrore Mbretërore në Mbretërinë e Bashkuar fluturoi  me katër rotacione në Akra, Ganë më 27 qershor, 1 korrik, 2 korrik dhe 9 korrik 2020. Avioni transportonte furnizime për ndërtimin e një spitali fushor, nga ndihma e financuar prej Mbretërisë së Bashkuar që arrin në rreth 130 tonë metrikë material. Objekti do të përdoret për punonjësit e ndihmës së frontit në rajon për të ndihmuar në luftimin e pandemisë së koronavirusit dhe do të ketë kapacitetin për t’u kujdesur deri në 92 pacientë.

Forca Ajrore Mbretërore në Mbretërinë e Bashkuar dorëzoi ngarkesat në emër të Programit Botëror të Ushqimit (WFP), i cili po merret me infrastrukturën dhe logjistikën për Kombet e Bashkuara.

Fraksion.com