“Breeze Sea 2020”; SNMG2 e NATO-s në stërvitjen dypalëshe SHBA- Ukrainë
Grupi i Dytë i Qendrueshëm Detar i NATO-s, (SNMG2) po merr pjesë në stërvitjen dypalëshe SHBA – Ukrainë, “Breeze Sea 2020”, që zhvillohet midis 20 dhe 24 korrikut 2020.
SNMG2 është një nga katër grupet e qendrueshme që përbëjnë thelbin e elementit detar të Forcës së Reagimit të NATO-s, dhe aktualisht është i përbërë nga tre fregate nga Spanja (ESPS Alvaro de Bazan, si flamur), Rumania (ROS Regina Maria) dhe Turqia (TCG Yildirim).
“Breeze Sea”, përsëritjen e saj të 20-të, është një stërvitje vjetore e zhvilluar në Detin e Zi në brigjet e Ukrainës, me anije, avionë dhe personel nga Bullgaria, Gjeorgjia, Norvegjia, Rumania, Spanja, Turqia, Ukraina dhe Shtetet e Bashkuara, të cilat marrin pjesë.
Ushtrimi përqendrohet në zona të shumëfishta luftarake, duke përfshirë mbrojtjen ajrore, luftën kundër nëndetëseve, kontrollin e dëmtimit, dhe kërkim shpëtimin, si dhe përfshin më shumë se 2,000 personel. Ai ndërtohet në bazë të përsëritjeve të mëparshme për të siguruar mundësi unike të trajnimit të krijuar për të rritur gatishmërinë, për të përmirësuar bashkëpunimin dhe ndërveprimin.
Suksesi i “Breeze Sea” është edhe më i jashtëzakonshëm nëse marrim parasysh rrethanat e jashtëzakonshme që rrjedhin nga COVID-19
“Profesionalizmi dhe entuziazmi i Grupit Dy Detar të Përhershëm të NATO-s po demonstrohet ditë pas dite, duke bashkëvepruar me marinat aleate dhe partnerë në një skenar shumë të kërkuar si Breeze Sea”, tha Admirali Manuel Aguirre nga Marina Spanjolle, komandant i SNMG2 që nga 30 qershori , “Suksesi i Breeze Sea është edhe më i mrekullueshëm nëse marrim parasysh rrethanat e jashtëzakonshme që rrjedhin nga pandemia COVID-19.”
“Breeze Sea 2020” zhvillohet ekskluzivisht në det. Kjo masë paraprake lejon njësitë të forcojnë bashkëpunimin multinacional operacional, duke siguruar që ekuipazhet të mbeten të shëndetshëm dhe të gatshëm për të siguruar mbrojtje të vazhdueshme rajonale.
Ky është një ushtrim vjetor që filloi në vitin 1997, duke i bashkuar vendet e Detit të Zi për të trajnuar dhe operuar me anëtarët e NATO-s për të ndërtuar ndërveprimin dhe për të rritur aftësinë.
Javën e kaluar SNMG2 së bashku me Grupin Dy të Qendrueshëm Kundër Minave, i NATO-s, morën pjesë në stërvitjen detare të udhëhequr nga Bullgaria me një emër të ngjashëm, Breeze 2020, gjithashtu mbajtur në Detin e Zi.
Me tre kombe aleate, Bullgaria, Rumania dhe Turqia, dhe dy partnerë rajonal, Ukraina dhe Gjeorgjia në kufi me Detin e Zi, prania e Qëndrueshme e Grupit Detar në rajon është një dukuri e rregullt. Përveç pjesëmarrjes në dy ushtrime, grupet po kryejnë edhe patrulla të sigurisë detare në ujërat ndërkombëtare duke rritur ndërgjegjësimin e situatës detare midis Aleatëve dhe partnerëve rajonalë.
Pas përfundimit të Breeze Sea dhe një vizitë të shkurtër në Odessa, Ukrainë (me ndërveprim minimal me autoritetet lokale dhe popullsinë për të minimizuar rreziqet e COVID-19) Grupi do të kryejë një patrullim detar ndërsa do të vazhdojë drejt Detit Mesdhe për të përfunduar vendosjen e dytë të Forcat detare të NATO-s në Detin e Zi në vitin 2020.
Fraksion.com
