“Në shkresat e gjetura ishte dhe emri i pastorit”; Ngjarja e Kombinatit: Gazetari përballet me Akil Panon

Duke marrë shkas nga interesi i madh publik  në Open në Top Channel po diskutohet për vetëvrasjet e anëtarëve të familjes Josifi në Kombinat.

Gazetari i Top Channel Andi Bora u përball me pastorin e njohur Akil Pano psi gazetari i tregoi shënime të vajzave ku mbante emrin e pastorit.

Pjesë nga biseda

Bora:  Ka disa shënime nga vajzat që mbajnë emrin tuaj. A i njihni këto vajza? I keni takuar ndonjëherë?

Akil Pano: Jo nuk i njoh. Nuk kam qenë kurrë në Përmet, as për turizëm.

Bora: Shinëmet janë të bëra në vitin 2006.

Akil Pano: Unë që nga viti 2004 kam një emison në radio, nga e hëna deri të premten. Mund ta kenë dëgjuar në radio. Kam një plagë në shpirt kur shikoj që mesazhet e klerikut nuk shkojnë për jetën por shkojnë edhe për të hapur plagë.

“Unë jam një person publik, kisha jonë është publike. As unë dhe asnjë nga udhëqeqësit e kishës sonë nuk janë njohur personalisht me ne. Kjo e bën dhimbjen më të madhe tek unë, kur shikoj se një ligjërim i imi është pjesë e kujtimeve të atyre vajzave.

Vajzat kanë qenë anëtare e një kishe për 3 vite në Tiranë, në fund të tre vjeçarit ato u shkëputën nga kisha Ungjillore. Unë kam marrë kontakte me pastorin dhe nuk kam marrë shumë detaje për largimin e tyre. Nga ky element jam shumë i prekur nga këto detaje, jam i trishtuar. Mesazhi ynë kthehet dhe mesazhe e jo jete. Ato shënime janë aty dhe mund t’i lexojnë të gjithë”, u shpreh pastori.

Fraksion.com