Objekti i financuar nga NATO gati për të pritur trupat aleate në Estoni
Një strukturë e re e infrastrukturës së NATO-s sapo hapi dyert e saj në Bazën Tapa në Estoni. Qendra është në gjendje të presë dhe lehtësojë lëvizjen përpara të forcave të NATO-s, duke përfshirë Task Forcën e përbashkët të gatishmërisë shumë të lartë (VJTF), dhe do të përdoret për ushtrime dhe parapozicionim të pajisjeve. Shumica e projektit, me vlerë 20 milion euro, është financuar përmes Programit të Investimeve të Sigurisë së NATO-s (NSIP).
Infrastruktura e re përfshin kazermat për akomodimin e trupave, hapësirën e depozitimit të pajisjeve dhe automjeteve, një qendër mjekësore dhe një helipad, (platformë për uljen e helikopterëve). Objekti do të shërbejë si një kamp fushor i gatshëm për përdorim për ushtrime me njoftime të shkurtra dhe vendosje. Do të ndihmojë në sigurimin e fleksibilitetit dhe lëvizjes së shpejtë të forcave të NATO-s në të gjithë territorin e Aleatëve Balltikë.
“Projekti në Tapa tregon ndarjen e barrës në veprim. Eshtë gjithashtu një shembull i aleatëve që përmbushin angazhimet që ata morën në Samitin e Uellsit në 2014 dhe Samitin e Varshavës në vitin 2016, për të rritur aftësinë e NATO-s për të forcuar shpejt dhe në mënyrë efektive aleatët e saj Lindor, “tha Sekretari i Përgjithshëm i NATO-s Jens Stoltenberg.
Ky është vetëm një nga më shumë se 200 projekte të nisura nga Aleatët e NATO-s për të mundësuar Planin e Veprimit të gatishmërisë. Përmes financimit të përbashkët, infrastruktura për të mbështetur parashikimin e furnizimeve ushtarake, dhe pritjes, organizimit dhe trajnimit është aktualisht në ndërtim e sipër në tetë kombet e NATO-s.
Fraksion.com
