“Shkëmbimi i territoreve?”; Ngjela paralajmëron: Në Kosovë do të përsëritet Lufta e Vlorës
Avokati Spartak Ngjela paralajmëron përmes një postimi në Facebook, se opsioni i shkëmbimit të territoreve në raportin e bisedimeve Kosovë – Serbi, nuk mund të qëndrojë.
Ngjela thotë se kyopsion është i vdekur, dhe se po të vendoset shkëmbimi i territoreve në axhendën e bisedimeve Kosovë – Serbi, shpërthen një luftë historike shqiptare për mbrojtjen e kufijve historikë.
“A mund të qëndrojë më opsioni i shkëmbimit të territoreve në raportin e bisedimeve Kosovë – Serbi?
Jo, ky është një opsioni i vdekur.
Arsyeja kryesore është fakti që shqiptarët e Kosovës u bashkuan si një trup kundër kësaj mundësie, dhe të gatshëm për të mbrojtur trojet e tyre mijëravjeçarë.
Po a mund të ketë më kthim mbrapa për këtë çështje?
Jo, nuk mund të ketë një kthim mbrapa, sepse po të vendoset shkëmbimi i territoreve në axhendën e bisedimeve Kosovë – Serbi, në Kosovë shpërthen një luftë historikë shqiptare për mbrojtjen e kufijve historikë.
Nuk është aq e thjeshtë kjo luftë: në Kosovë ju garantoj se do të përsëritet sërisht Lufta e Vlorës.
Madje kuptohet se në Prishtinë ka shkuar ndërkohë dhe Avni Rustemi, sepse, kur ai vrau tradhëtinë, aktivist i Kosovës ka qenë dhe, më pas, edhe deputet i saj.”
Fraksion.com
