TIA konfirmon: Ja fluturimet për nesër

Tirana International Airport njoftoi se janë konfirmuar deri tani 4 fluturimet vajtje-ardhje për ditën e nesërme.

Sipas TIA-s është konfirmuar fluturimi i riatdhesimit me Air Albania, Tiranë – Luton dhe kthim (Angli).

Po ashtu, janë konfirmuar fluturimet me Air Serbia , Beograd – Tiranë dhe kthim, me Austrian, Vjenë – Tiranë dhe kthim, me Aegean, Athinë – Tiranë dhe kthim dhe me Belavia, Minsk – Tiranë – Minsk (Bjellorusi).

TIA u risjell në vëmendje pasagjerëve se duhet të kontaktojnë kompanitë ajrore përpara çdo udhëtimi. Po ashtu u rikujton atyre që udhëtojnë, të respektojnë protokollet e higijenës. Maskat janë të detyrueshme.⠀

Ndërkohë, TIA thotë se nisjet nga Shqipëria janë ende të kufizuara për personat që nuk janë të pajisur me leje qëndrimi apo pasaportë për destinacionet e BE-së.⠀

“Lejohen të udhëtojnë vetëm rezidentët në Bashkimin Europian dhe nënshtetasit europianë”, thotë TIA.

Fraksion.com