“Spanja përmbush nevojat mjekësore”; Lituania ndihmon Italinë dhe Spanjën në përgjigje të pandemisë globale
Më 27 prill 2020, një aeroplan nga Forca Ajrore Spanjolle u ngrit nga Baza e Forcave Ajrore Lituaneze pranë Šiauliai (Lituani) për të furnizuar me mjete kritike mjekësore Spanjën, si pjesë e përpjekjeve të vazhdueshme të Aleatëve për të përmbajtur pandeminë COVID-19.
Dorëzimi përbëhej nga maska të mbrojtjes së fytyrës të prodhuara nga Lituani, doreza mjekësore dhe lëng dezinfektues, që u siguruan përmes një marrëveshje bilaterale midis Lituanisë dhe Spanjës. Deri më tani, Spanja ka marrë mbështetje nga disa aleatë të NATO-s, përfshirë Republikën Çeke, Estoninë, Gjermaninë, Turqinë, Lituaninë, Luksemburgun dhe Poloninë; Qendra e Reagimit të Koordinimit Euro-Atlantik ndaj Fatkeqësive (EADRCC) – mekanizmi kryesor i përgjigjes së NATO s, funksionon edhe bilateralisht. Spanja gjithashtu ka marrë asistencë nga Agjencia e Mbështetjes dhe Prokurimit e NATO-s, përmes blerjes dhe transportit të lehtësirave.
Javën e kaluar, Spanja njoftoi Qendrën për Koordinimin e Fatkeqësive Euro-Atlantike që falë mbështetjes së marrë nga vendet aleate, artikujt mjekësorë që kërkoheshin në fillim të pandemisë, tani janë përmbushur dhe për këtë arsye për momentin, nuk kërkon më ndihmë shtesë nga EADRCC. Spanja gjithashtu deklaroi se do t’i drejtohet Qendrës përsëri, nëse kërkon ndihmë të mëtejshme.
Lituania gjithashtu ka dhuruar 10,000 maska dhe pajisje të frymëmarrjes në Itali, përmes një marrëveshjeje bilaterale. Dorëzimi është bërë me kamion nga kompania lituaneze logjistike “Girteka”. Italia deri më tani ka marrë mbështetje kritike nga disa aleatë të NATO-s, përfshirë Shqipërinë, Republikën Çeke, Estoninë, Sllovakinë, Poloninë, Turqinë dhe Shtetet e Bashkuara, përmes mekanizmave të ndryshëm, përfshirë format e ndihmës dhe ofrimit dypalësh përmes Përgjigjes së Qendrës të Koordinimit të Katastrofave Euro-Atlantike.
Fraksion.com
