Francë, rritet në 18.681 bilanci i të vdekurve nga COVID-19

Numri i të vdekurve nga koronavirusi i ri (COVID-19) në Francë ka shkuar në 18.681.

Në 24 orët e fundit, në Francë janë regjistruar 3.914 raste të reja, me çka numri i përgjithshëm i të infektuarve është rritur në 168.241, njoftoi drejtori i përgjithshëm i Ministrisë së Shëndetësisë, Jerome Salomon, në një konferencë për media.

Salomon tha se 31.190 pacientë po trajtohen në spitale, përfshirë 6.027 në njësitë e kujdesit intensiv, duke shtuar se sot për të nëntën ditë ka vazhduar të bie numri i të pacientëve në kujdes intensiv.

Ai njoftoi se në 24 orët e kaluara, 1.608 persona janë shëruar, me çka numri i përgjithshëm i pacientëve që e kanë mposhtur sëmundjen ka shkuar në 34.420.

Salomon njoftoi se në 24 orët e fundit jetën kanë humbur 761 persona në spitale dhe shtëpitë e kujdesit për të moshuar, me çka numri i viktimave ka shkuar në 18.681, ndërsa prej tyre, 7.203 janë persona që kanë ndërruar jetë në shtëpitë e kujdesit.

Ai sot nënvizoi se tashmë është tejkaluar vala e parë e pandemisë, me respektimin e masave të ndërmarra.

Ai tha se pas heqjes së kufizimeve të lëvizjes më 11 maj, është përgjegjësi i qytetarëve për ta parandaluar përhapjen e virusit.

“Në Evropë sërish do të ketë virus. Kemi forcë të konsiderueshme për ta frenuar valën e dytë, deklaroi Salomon.

Franca është vendi i katërt në botë me më së shumti viktima nga virusi.

Ndërkaq, ministri francez i Ekonomisë, Bruno Le Maire, tha në një deklaratë se numri i personave që kanë mbetur pa punë në vend si pasojë e COVID-19 i ka arritur në afro 9 milionë dhe se kostoja e kësaj për shtetin do të jetë 20 miliardë euro.

Të larguarit nga puna do të marrin 70 për qind të pagës së tyre nga shteti.

Fraksion.com