“Basha pranon sërish ftesën e Metës”; Covid-19: Nesër mbledhja e dytë e Këshillit të Sigurisë
Nesër do të mblidhet Këshilli i Sigurisë për të diskutuar për situatën e krijuar nga koronavirusi në Shqipëri si dhe për masat e ndërmarra.
Ndërkohë mësohet se formati do të jetë i njëjtë si ai i mbledhjes online të 25 marsit. Kryeministri Edi Rama, ministrat përgjegjës të angazhuar për këtë situatë si Manastirliu, Xhaçka, Lleshaj dhe Ahmetaj pritet të informojnë mbi situatën e krijuar nga Covid-19.
Meta mendohet se do të ritheksojë edhe një herë kërkesën e tij për koordinimin e të gjithë institucioneve për përballimin e situatës, por edhe bashkëpunimin e të gjitha palëve.
Në takimin e kaluar mbledhja është zhvilluar online dhe të pranishëm kanë qenë, veç Presidentit edhe kryeministri Rama, Kreu i Partisë Demokratike Basha, kryetari i Kuvendit Ruçi dhe disa prej ministrave, kreu i Emergjencave Civile dhe Drejtori i Përgjithshëm i Policisë së shtetit.
Fraksion.com
