Koronavirusi: Ekipet mjekësore aleate forcojnë grupin e betejave të NATO-s në Lituani

Mjekët ushtarakë nga Kroacia, Gjermania dhe Holanda kanë mbërritur në Lituani për të forcuar  grupin e zgjeruar të Prezencës së Përparuar të NATO-s. Grupi i betejës, i udhëhequr nga Gjermania, po kujdeset për trupat e veta për të mos ngarkuar sistemin e kujdesit shëndetësor të Lituanisë.

Anëtarët e ekipeve mjekësore thanë që ata shpresojnë të punojnë së bashku me kolegët e tyre për të siguruar që trupat në grupin shumëkombësh të betejës të qëndrojnë të shëndetshëm, dhe të gjitha masat e nevojshme paraprake vazhdojnë të merren. Vendosja e tyre dërgon një sinjal të qartë të solidaritetit të NATO-s, duke forcuar misionin e grupit të betejës për pengim dhe siguri.

Sekretari i Përgjithshëm i NATO-s, Jens Stoltenberg ka theksuar se përkundër pandemisë, NATO mban gatishmërinë operative, përfshirë përmes misionit të saj të policisë ajrore dhe grupeve shumëkombëshe të betejave në rajonin e Balltikut. Grupi i betejave në Lituani është vendosur në Rukla dhe është një nga katër grupet shumëkombëshe të betejave të NATO-s në vendet e Balltikut dhe Polonisë.

Fraksion.com