Vuçiç: Ndërprerja e gjendjes së jashtëzakonshme në fund të prillit ose në maj

“Ne do e heqim gjendjen e jashtëzakonshme me shumë mundësi në fund të prillit ose majit, por as unë, as kryeministre Ana Brnabic nuk do të vendosim për këtë, por ekspertë, epidemiologët”, tha Presidenti serb Aleksandar Vuçiç këtë mëngjes.

Ai theksoi se vendimi do të merret në mënyrë që shëndeti i njerzve të mos rrezikohet dhe siç do të thonë mjekët.

Duke folur për Tv1 në një lidhjeje video nga Presidenca e Serbisë, ai tha se numri i të infektuarve që janë në respirator duhet të fillojë të ulet dhe numri i pacinateve në spitalet e përkohshme duhet të fillojë të rritet, dhe se për dy javë rresht numri i të infektuarve do të ulet.

Ai tha gjithashtu se nuk duhet të vonohet përfundimi i situatës së jashtëzakonshme për shkak të ekonomisë dhe se  sipas ekspertëve edhe shkollat ​​do të hapen.

Vuçiç vuri në dukje se në rast të heqjes së gjendjes së jashtëzakonshme, duhet treguar kujdes  për hapjen e kafeneve, për shembull, ato tha ai , ende do të duhet të zbatojnë masat për një muaj.

“Do të na kërkoni të paguajmë të gjitha pagat dhe pensionet dhe të kemi energji elektrike të mjaftueshme, dhe tani nuk kemi të ardhura sepse askush nuk po bën asgjë,” shtoi Vuçiç.

Vuçiç tha se kjo është arsyeja pse ai diskutoi me profesionistët heqjen e gjendjes së jashtëzakonshme sepse, siç thotë ai, duhet të fillojmë të mendojmë për ekonominë dhe jetën e njerëzve.

Ai tha se është optimist dhe se “mendoj se ne mund t’i mbajmë gjërat nën kontroll dhe të jemi të disiplinuar dhe të përgjegjshëm,” tha Vuçiç.

Ai tha se hapja e shkollave do të jetë më e vështira dhe pyetja është kur dhe si mund të merret ai vendim.

“Por ne shpresojmë që në një periudhë relativisht të shkurtër kohore, të mund të kalojmë në hapjen e konsiderueshme të fabrikave dhe hotelierisë dhe objekteve turistike, ku nuk ka mbledhje masive,” tha Vuçiç.

I pyetur se si e sheh deklaratën e epidemiologut Predrag Kon se Serbia po e udhëheq lojën në këtë situatë, por që vetëm gjysma e parë ka mbaruar, Vuçiç tha se edhe ai insiston në tabelën e rezultateve dhe se është një rezultat i drejtë dhe jo se qytetarët po mashtrohen.

Në lidhje me këtë, ai theksoi se Serbia raporton të gjitha vdekjet e prekura nga virusi korona, ndryshe nga disa vende.

Vuçiq thotë se Serbia ka vepruar mirë në këtë krizë, falë punës së jashtëzakonshme të profesionit, por edhe organizimit të shtetit dhe faktit që shteti po performon shumë më mirë nga sa pritej prej shumë të tjerëve.

“Ne nuk duhet të harrojmë se në dy vitet e fundit Serbia ka qenë në pesë vende në Evropë përsa i përket rritjes. Unë pres që këtë vit të jemi në pesë të parët”, tha ai “askush nuk do të jetë i mirë, dhe vitin e ardhshëm do të jemi në tre të parët”, tha Vuçiç.

Ndërkohë deri dje në 15:00, me Covid-19 janë infektuar 3380 njerëz ndërsa 74 kanë vdekur.

Fraksion.com