COVID-19; Balla: Mjeku nga Librazhdi në vijën e parë të luftës në Itali

Kryetari i grupit parlamentar të PS-së, Taulant Balla tha sot se mjeku nga Librazhdi, Kliton Osmerija ndodhet në vijën e parë të luftës kundër COVID-19 në Itali.

Balla shprehet se “Kliton Osmerija nga Librazhdi, ka mbaruar Universitetin Zonja e Këshillit të Mirë, dega Infermieri. Në 2010 ka përfunduar studimet Master pranë Universitetit Tuscia mbi “Menaxhimin e organizatave komplekse” dhe prej më shumë se 13 vjetësh jeton dhe punon në Viterbo të Italisë ku ushtron profesionin e infermierit në spitalin Nuova Santa Teresa”.

“Për shkak të situatës tejet tragjike që po kalon vendi pritës Italia, Klitoni për mëse një muaj është angazhuar në frontin e parë të emergjencës shëndetësore duke bërë edhe dy apo tre turne për të përballuar situatën dramatike që po kalon sistemi shëndetësor italian”, shprehet ai.

Fraksion.com