COVID-19; Agjencia e Mbështetjes dhe Prokurimit e NATO-s ndihmon Italinë, Spanjën dhe Norvegjinë

Agjensia e Mbështetjes dhe Prokurimit e NATO-s (NSPA) vazhdon të luajë një rol të rëndësishëm në përgjigje të pandemisë globale COVID-19, duke ndihmuar Aleatët dhe partnerët e NATO-s me blerjen dhe transportin kryesor të lehtësimeve.

NSPA kohët e fundit ka dorëzuar në Itali dy të parat nga gjashtëmbëdhjetë ventilatorët e Njësive të Kujdesit Intensiv të fituar. Ajo gjithashtu ka dorëzuar grupin e parë të pajisjeve mbrojtëse personale në Spanjë dhe pajisje të ndryshme mjekësore në Norvegji, duke përfshirë maska, doreza, syze dhe pajisje të tjera mbrojtëse mjekësore.

Agjensia e Mbështetjes dhe Prokurimit e NATO-s (NSPA) mbledh së bashku ndihmat logjistike të NATO-s dhe aktivitetet e prokurimit, duke siguruar zgjidhje shumëkombëshe për mbështetje dhe aftësi të integruara për Aleancën, kombet dhe partnerët e saj.

NSPA është një agjenci e financuar nga klientët, që funksionon mbi bazën “pa fitim – pa humbje”. NSPA është me seli në Luksemburg, me qendrat kryesore operative në Francë, Hungari dhe Itali dhe stacione në Kosovë dhe Afganistan.

Agjensia punëson rreth 1.550 staf dhe mbikëqyr mbi 2.500 kontraktorë në misionet e NATO-s në të gjithë botën. NSPA është organi ekzekutiv i Organizatës së Mbështetjes dhe Prokurimit të NATO-s (NSPO).

Fraksion.com