Ohajo, testime në makinë për koronavirusin

Pacientët mund të qëndrojnë në makinat e tyre ndërsa mostrat merren me tampon në hundë dhe fyt. Njerëzit me simptoma udhëzohen të vizitojnë së pari faqen e internetit të të Klinikës Cleveland Online ose të telefonojnë mjekun e tyre të kujdesit parësor.

Klinika Cleveland thotë se testoi më shumë se 600 njerëz të hënën.

Klinika hapi qendrën e parë të testimit të shtunën dhe deri tani ka testuar 800 pacientë, me 26 rezultate pozitive të cilët më pas trajtohen në klinikë.

“Kemi 26 pacientë pozitivë këtu në Klinikën Cleveland, të cilët po trajtohen, dhe ne vazhdojmë të testojmë aktualisht. Do të përpiqemi të bëjmë më shumë teste gjatë disa javëve të ardhshme. ”

Brian Rubin, kreu i mjekësisë së patologjisë në klinikë, tha se grupi po ndjek udhëzimet e Qendrës për Kontrollin e Sëmundjeve. Mjeku thotë se testimi lokal është shumë i rëndësishëm sepse ekzemplarët nuk kanë nevojë të transportohen dhe rezultatet mund të merren me shpejtësi.

“E mira e testimit lokal është se ekzemplarët nuk kanë nevojë të transportohen. Duket si një mrekulli të marrësh përgjigje brenda tetë apo 12 orësh…Testimi lokal është jashtëzakonisht i rëndësishëm tani, sepse kemi nevojë të kapim kohën e humbur. Kjo do të thotë që ne duhet të testojmë me shpejtësi. Ne kemi nevojë për rezultate të shpejta. Dhe mënyra e vetme për ta arritur atë është përmes testimit lokal”

Por ai shtoi se roli i laboratorëve të mëdhenj është gjithashtu i rëndësishëm sepse mund të testojnë një numër të madh njerëzish.

Rubin paralajmëron publikun se ky nuk është një problem shëndetësor afatshkurtër.

“Sigurisht që kjo nuk do të jetë diçka që do të zgjasë disa ditë apo disa javë. Unë do të thoja se do të duhet gati një periudhë prej tre mujore për t’u marrë me këtë virus përpara se ta kuptojmë vërtet atë dhe të jemi në gjendje ta përballojmë në një mënyrë më të arsyeshme”, tha ai.