Politika në karantinë; Meta nuk hyri sot në Parlament

Klodiana Spahiu, Edlira Bode, Arben Kamami, Ilir Pendavinji dhe Florenc Spaho kanë shprehur gatishmërinë e tyre të kontribuojnë pas thirrjes nga ministria e shëndetësisë.

Në një kohë kur kryeministri Edi Rama përmes video mesazheve ditore anoncon masat e qeverisë opozita ka qenë aktive duke bërë denoncime dhe propozime konkrete  në adrese të qeverisë përmes komunikatave për shtyp. Dalja e fundit nga selia blu e kryedemokratit Basha ishte të mërkurën gjatë një konference për  shtyp.

Paraditen e kësaj të diele përmes një mesazhi në facebook zoti Basha thotë se Transparenca është e rëndësishme dhe thelbësore për t’u përballur me këtë gjendje të pazakontë. Kreu PD Basha ka kërkuar nga qeveria të ndërmarrë disa veprime të reja konkrete.

“Është urgjente dhe e rëndësishme blerja e menjëhershme e një sasie të mjaftueshme tamponësh me të cilët kryhen testet që saktësojnë nëse je apo jo bartës i COVID 19. Çdo vonesë në sigurimin e një numri më të madh tamponësh testimi do të na kushtojë shumë. Veç kësaj duhen krijuar ambjente të posaçme trajtimi për personat e prekur me COVID 19 edhe në qytete të tjera të vendit ku numri i të prekurve sa vjen e rritet. Të prekurit nga virusi nuk kanë pse të përplasen të gjithë në Tiranë kur mund tu krijohet mundësia të trajtohen në ambjente të ngritura në qendrat e  qarqeve.

Në këtë situatë, qeveria duhet të marrë masa urgjente të ndihmojë me ushqime dhe detergjent familjet e varfra dhe ato në nevojë ekonomike. Çdo ditë që kalon e bën të vështirë dhe të pamundur që një pjesë e konsiderueshme e bashkëqytetarëve të përballojnë mbijetesën” thotë kreu PD./tch