Koronavirusi frenon Vuçiçin
Për shkak të përhapjes së virusit Corona, Presidenti i Serbisë, Aleksandar Vuçiç nuk do ta bëjë vizitën e paralajmëruar në Kancelarinë Gjermane, konfirmoi DW në Berlin. Takimi do të zhvillohet përmes video-konferencës.
Zëdhënësi i qeverisë gjermane Steffen Seibert tha në një konferencë të rregullt shtypi të premten se një zgjidhje e tillë erdhi pas një marrëveshjeje nga “të dy palët”.
“Të dyja palët ranë dakord të anulojnë vizitën e Vuçiç në Berlin,” tha Seibert.
Një masë e tillë nuk është një rast i izoluar, pasi u njoftua gjithashtu se takimi i planifikuar midis kryeministrit të Luksemburgut, Xavier Bettel dhe kancelares gjermane, u anulua për të njëjtën arsye.
Mediat e Beogradit raportuan se bisedimet midis Angela Merkel dhe Aleksandar Vuçiçit të hënën kanë të bëjnë me krizën e Kosovës, por edhe me luftën kundër virusit Corona.
Fraksion.com
