DW: Italia mbyllet fort
Italia mbyllet: Kryeministri i Italisë Conte zgjeron pengesat dhe kufizimet për lirinë e lëvizjes në të gjithë vendin. Asnjë vend tjetër nuk po merr masa të tilla drastike në krizën e Coronas.
Qeveria italiane që në fundjavë kishte mbyllur pjesë të mëdha të Italisë veriore. Ndalimi i hyrjes dhe daljes vlen për më shumë se 15 milionë banorë të gjithë Lombardisë, një pjesë të rajonit Veneto, veriun e Emilia-Romagna-s dhe Lindjen e Piemonte-s. Përjashtimet janë të mundshme vetëm për arsye urgjente profesionale ose familjare dhe në raste urgjente shëndetësore.
Qeveria italiane urdhëroi në fundjavë edhe ndalimin e ngjarjeve kulturore, sportive dhe fetare. Të gjitha aktivitetet sportive, përfshirë lojërat e Serisë A, do të pezullohen. Muzetë, kinematë dhe teatrot janë mbyllur gjithashtu në mbarë vendin.
Në Tirolin e Jugut sezoni i skive përfundoi para kohe, të gjitha stacionet e skive do të mbyllen nga e marta në mëngjes, tha Ministri për Çështjet Rajonale, Francesco Boccia.
Shkollat dhe universitetet në të gjithë Italinë janë mbyllur që nga e enjtja. Megjithatë, lidhjet ndërkombëtare të trenave dhe fluturimet nuk janë ndaluar nga shteti, dhe transporti publik vazhdon pa kufizime.
Një arsye për zgjerimin e pashembullt të ri të zonës së sigurisë mund të jetë gjithashtu fakti që shumë njerëz nga zonat e bllokuara në veri kishin arritur të shkojnë në jug, përpara se të fillonin kontrollet.
“Kufizojini udhĂ«timet nĂ« atĂ« qĂ« Ă«shtĂ« e nevojshme”
Ende është e paqartë se çfarë do të thotë rregullorja e re për të huajt në Itali dhe turistët e mbetur. Deri tani, turistët janë lejuar të largohen nga zonat e kufizuara në veri. Megjithatë, linjat ajrore i kanë pezulluar ose ndërprerë plotësisht lidhjet e tyre me veriun. Në kufij do të kontrollohen ata që hyjnë në Itali.
PĂ«rballĂ« epidemisĂ« sĂ« virusit Corona, Ministria e Jashtme nĂ« Berlin ka paralajmĂ«ruar prej kohĂ«sh qĂ« tĂ« mos bĂ«hen udhĂ«time nĂ« veri dhe nĂ« qendĂ«r tĂ« ItalisĂ«. “Kufizojini udhĂ«timet nĂ« dhe drejt ItalisĂ« nĂ« mĂ« tĂ« nevojshmet”, thuhet nĂ« udhĂ«zimin aktual tĂ« udhĂ«timit dhe sigurisĂ«.
Italia po lufton kundër një numri që rritet me shpejtësi të njerëzve të infektuar dhe të vdekurve nga sëmundja e mushkërive COVID-19. Ndërkohë, janë infektuar gati 10,000 vetë, dhe më shumë se 460 kanë vdekur.
Fraksion.com
