Cakaj: Shqipëria meriton hapjen e negociatave për anëtarësim në BE, menjëherë

Në këtë takim, Ministrat diskutuan lidhur me rëndësinë e kredibilitetit të procesit të zgjerimit dhe perspektivën evropiane të vendeve të Ballkanit Perëndimor.

Në fjalën e mbajtur, sa i përket reformave të ndërmarra nga Shqipëria, Kryediplomati Cakaj u shpreh se “këto reforma nuk po ndërmerren vetëm për shkak të aspiratës europiane të Shqipërisë. Rezultatet e vettingut dhe rezultatet e angazhimit në luftën kundër korrupsionit dhe krimit të organizuar, nuk janë vetëm rezultate statistikore, që Shqipëria i prezanton Komisionit Europian, në baza vjetore. Këto rezultate ndikojnë direkt në jetën e qytetarëve tanë.”

Gjithashtu, Cakaj, duke iu referuar raportit të Komisioni dhe duke konsideruar progresin e bërë, u shpreh se Shqipëria pret që vendet anëtare të reflektojnë pozitivisht, bazuar në procesin meritokratik dhe të japin dritën jeshile për ҫeljen e negociatave, menjëherë.