3 pacientë të tjerë në urgjencën e Infektivit; Pritet rezultati i analizave

10 Mars, 2020 admin

Të paktën tre persona të tjerë, përveç 6 të infektuarve me virusin COVID 19 po mbahen në urgjencën e spitalit Infektiv, të kthyer në karantinën e parë në Shqipëri.

Mediat raportojnë se dy prej këtyre personave janë çifti nga Skrapari dhe një rast tjetër i ardhur nga Sanatoriumi. Këta po mbahen të izoluar në katin zero të Infektivit, deri në daljen e përgjigjeve të analizave nga ISHP.

Mësohet se bëhet fjalë për një procedurë standarde, ku çdo persona që vjen me ambulancë të dedikuar, mbahet i izoluar deri sa të dalin analizat, pra mbahen në urgjencë.

Janë 16 bokse me nga 12 shtretër për pritjen e tyre dhe nëse rasti del pozitiv me COVID 19 ai shtrohet në katin e parë ku janë edhe 6 të tjerë të prekur nga ky virus. Ndërsa nëse del negativ del nga urgjenca.

Sa për gjendjen shëndetësore të 6 prej të prekurve, raportohet se janë në gjendje stabël dhe nuk kanë komplikacione.

Sipas BW në ambientet e Infektivit është parë disa herë të hyjë e të dalë një autoambulancë që çon monstrat e analizave në ISHP.

Fraksion.com