Breshëri plumbash pas krahëve; Atentat shqiptarit në Athinë

Ekzekutorët i janë afruar për t’i dhënë goditjen fatal, por për fatin e tij të mirë, ka qenë një efektiv policie që po dilte nga lokali së bashku me familjen e tij, që ka ndërhyrë duke nxjerrë armën e tij të shërbimit, çka i ka trembur atentatorët.

Në vazhdim ata janë larguar me shpejtësi në rrugicat e lagjes, ndërsa viktima është dërguar me shpejtësi në spitalin Asklipio Vulas, ku edhe po mjekohet, për fat jashtë rrezikut për jetën.

Policia ka nisur një operacion për gjetjen e autorëve, ndërsa dritë mbi shkaqet e atentatit, pritet të hedhë deponimi i viktimës, emri dhe e kaluara e të cilit, për momentin nuk publikohen.

Dyshimet e para janë për larje hesapesh, por pa përjashtuar edhe ndonjë sherr banal mes autorëve dhe viktimës.

Hetuesit kanë shoqëruar në polici edhe efektivin që i shpëtoi jetën viktimës, i cili ishte i vetmi që pa autorët dhe komunikoi me ta.

Fraksion.com