AktualitetPolitikëTë fundit

“Edhe unë dora juaj jam”; Basha: Luftë për mbijetesë

Kreu i PD, Lulzim Basha ka takuar disa punëtorë në Elbasan. dhe ka postuar një video në facebook, me pjesë nga biseda, ku vendin kryesor e zënë hallet e tyre të përditshme

“Ne Elbasan, me punetorët dhe hallet e tyre të përditshme. Ekonomia, punësimi, braktisja e vendit janë plagët që dhembin më shumë edhe këtu. Hallet e përditshme të këtyre njerëzve ende nuk e kanë zbehur shpresën se së bashku do ta bëjmë Shqipërinë një vend më të mirë.” shkruan Basha në statusin  që i ka bashkëngjitur videos.

Pjesë nga Biseda:

Basha: Të gjithë nga Elbasani jeni?

Punëtorë: Po dhe nga rrethinat. Dora jote jemi den baba den

Basha: Edhe unë dora juaj

Punëtori: Ekonomia është shumë dobët. Nuk të bën zemra të ikësh në shtëpi, nuk di çfarë t’u japësh kalamajve për të ngrënë

Basha: Është luftë për mbijetesë

Punëtori: 30 vjet punë, 130 mijë lekë pension me jep. Detyrohem punoj kështu në këtë moshë.

Basha: Sa vjeç je?

Punëtori: 68

Basha: Gjendje e tmerrshme është kudo

Punëtori: Ne me punë nuk po ia dalim

Basha: Absolutisht. Imagjino ata që janë papunë

Punëtori: Ai vetëm taksa, taksa, taksa na vdiqë o vëlla

Basha: Po atë tunelin e rrugës se kena bo keq apo jo?

Punëtori: Ajo është kryevepër

Basha: Asgjë nuk është ajo me punët që do bëjmë. Po të kesh dëshirë dhe dashuri për vendin dhe për njerëzit asgjë nuk të ndalon të punosh

 

Fraksion.com