Korab Lita sulmon Rudina Hajdarin: Pjesë e pazareve politike për Reformën Zgjedhore

Kuvendi i Shqipërisë po zhvillon sot seancën e radhës plenare. Kuvendi pritet të “rrëzojë” sërish presidentin Ilir Meta për paketën anti-shpifje. Në diskutim do të hidhet edhe projektligji për kontrollin dhe disiplinimin e punimeve të ndërtimit, ku pritet të propozohen disa masa shtrënguese mbi kriteret e këtij sektori pas dëmtimit të banesave nga tërmeti i 26 nëntorit.

Në fjalën e tij deputeti Korab Lita deklaroi se ligjvënësit opozitarë pranuan mandatet për të përfaqësuar shqiptarët. Nga foltorja e Kuvendit Lita sulmoi ashpër deputeten e opozitës, Rudina Hajdarin, duke e akuzuar atë se është bërë pjesë e pazareve politik për Reformën Zgjedhore.

“Mandati i ketij parlamenti po perfundon. Zgjedhjet e parakoheshme mund te jene ne horizont. Para dy javësh u ngrit këshilli politik me përfaqësues nga të gjitha partitë. Ne deputetët e opozitës parlamentare vendosemi në një kontekst të ri.

Ne pranuam mandatet pasi kolegët tanë dogjën mandatet për ti dhënë shqiptarëve përfaqësim. Kjo s’do të thotë se ky përfaqësim duhet të çonte te pazaret. Ne si opozita i morëm mandatet kur rregullat e lojës ishin prishur. Unë në pjesën e mbetur të jetës së këtij parlamenti do i denoncoj”, u shpreh Lita.

Më tej ai shtoi se “Rikthimi i garës ndërpartiake ishte sfida jonë më e madhe. Përfaqësuesja jonë në këshillin politik po bëhet pjesë e Këshillit Politik, është shenja e parë se si gara prishet dhe po bëhet pazar mes partisë. Misioni ynë i vetëm ishte hapja e garës për të mos pasur lista të mbyllura.

Unë druaj se ky mision është bërë i paqenë, pasi misioni i opozitës duhet të jetë denoncimi i opozitës së dorëhequr. Ky është misioni im personal. Gara politike do të kthehet një ditë në Shqipëri. Edhe sikur i vetëm do e përmbush këtë mision”, tah Lita.

Fraksion.com