Braktiset në Pyllin e Sodës skafi i sofistikuar 10 metër i gjatë

Një skaf i braktisur është gjetur mëngjesin e sotëm në Vlorë në zonën e plazhit të vjetër në afërsi të Pyllit të Sodës.

Skafi është rreth 10 metër i gjatë i pajisur me tre motorë të fuqishëm, një skaf i ri dhe i sofistikuar.

Në vend ngjarje ndodhen forca të policisë kufitare si edhe efektivë të Guardia di Finanzas italiane, të cilët kanë nisur hetimet.

Nuk dihet ende motivi se përse është bllokuar mjeti lundrues me tre motorë, por dyshohet se mund të jetë përdorur për aktivitete kriminale dhe më pas është braktisur.

Nga dyshimet e para, mendohet që skafi përdorej për transportin e lëndëve narkotike, drejt Italisë.