Vrau duke goditur me sëpatë 50-vjeçarin; Ky është autori i krimit makabër në Korçë
Ky që shihni në këtë foto të siguruar nga Top Channel është vrasësi Zamir Topi i cili pasditen e sotme qëlloi për vdekje me sëpatë në kokë Dashnor Osmanin në qytetin e Korçës.
Burime për Top Channel bëjnë me dije se Zamir Topi ishte person me probleme mendore madje kishte edhe një kartelë mjekësore.
Motiv i vrasjes është bërë një konflikt për varret e familjarëve të viktimës dhe autorit. Dy personat ishin bashkëfshatarë nga fshati Poçestë.
Viktima u qëllua me sëpatë në kokë nga autori Zamir Topi, i cili u largua nga vendi i ngjarjes dhe më tej u kap nga policia pak metra larg vendit të krimit. Ngjarja ndodhi në lagjen 9 të qytetit në afërsi të pazarit të Korçës ndërsa sipas të dhënave konflikti kishte në qendër grindjen mes palëve për dëmtimin e një varri.
Fraksion.com
