Athina intensifikon lëvizjet diplomatike përpara Konferencës Kryesore të Berlinit mbi Libinë
Kryeministri Grek Kyriakos Mitsotakis foli të shtunën në telefon me Presidentin e Këshillit Evropian Charles Michel me iniciativën e këtij të fundit dhe me Presidentin e Komisionit Evropian Ursula von der Leyen për çështjen e Libisë.
Sipas burimeve qeveritare në Athinë, të gjitha çështjet që i referohen Greqisë u diskutuan me fokusin mbi Turqinë, Libinë dhe Konferencën e Berlinit.
Gjatë bisedimeve, u rikonfirmua se Presidenti i Këshillit Evropian po mban ngushtësisht përfundimet e arritura në Samitin e BE-së në 12 dhe 13 dhjetor 2019.
Më vonë, Mitsotakis foli me Presidenten von der Leyen e cila do të jetë e pranishme, së bashku me Charles Michel, në Konferencën e Berlinit të dielën.
Gjatë bisedës, u konfirmua se mbrojtja e kornizës së konkluzioneve të Këshillit Evropian dhe qëndrimet Greke do të shprehen nga përfaqësuesit e BE-së në Konferencën e nesërme në Berlin.
Kurse ministri i Jashtëm grek, Nikos Dendias nga ana e tij, foli të shtunën në telefon me Ministrin e Jashtëm të Francës Jean-Yves Le Drian dhe diskutoi zhvillimet në Libi përpara Konferencës së afërt të Berlinit, sipas burimeve diplomatike greke të cituara nga agjensia e lajmeve AMNA.
Të premten në mbrëmje, Dendias kishte folur gjithashtu në telefon dhe diskutoi të njëjtën çështje me homologun e tij të Emirateve të Bashkuara Arabe Sheik Abdullah Bin Zayed Al Nahyan.
Ndërkohë Presidenti turk Rexhep Tajip Erdogan paralajmëroi të shtunën se Evropa duhet të mbështesë veprimet e Ankarasë për çështjen e Libisë, nëse BE nuk dëshiron ndonjë problem të mëtejshëm me konfliktin në vend.
Ankaraja ka deklaruar se ofron mbështetje ushtarake për qeverinë me qendër në Tripoli të Libisë.
Vërejtjet e Erdoganit u thanë në një artikull të botuar nga faqja e internetit Politico.
Fraksion.com
