Turqia paralajmëron armëpushim në rajonin e Idlibit në Siri

Ministria e Mbrojtjes e Turqisë tha se është pajtuar me Rusinë për zbatimin e armëpushimit në rajonin e Idlibit në Siri.

Armëpushimi do të hyjë në fuqi më 12 janar.

Vendimi, sipas ministrisë turke, u mor për të frenuar fluksin e civilëve që po largohen nga rajoni.

Qindra mijëra njerëz kanë ikur nga sulmet në provincën Idlib në drejtim të kufirit turk në javët e fundit, pasi qytete dhe fshatra janë goditur nga avionët rusë dhe artileria siriane.

Deri më tani, rreth 3.6 milionë sirianë kanë kërkuar strehim në Turqi, nga lufta civile gati nëntë vjeçare.

Presidenti i Turqisë, Reccep Tayip Erdogan, ka thënë se Turqia nuk mund të bartë barrën e më shumë refugjatëve nga Idlibi, ku jetojnë deri në 3 milionë njerëz.

Presidenti sirian Bashar al-Asad, i mbështetur nga Rusia dhe Irani, është zotuar të rimarrë Idlibin, rajoni i fundit që kontrollohet nga rebelët.

Turqia ka mbështetur për vite me radhë rebelët sirianë të cilët luftojnë për ta rrëzuar nga pushteti Asadin.

Fraksion.com