Incident në det mes destrojerit amerikan dhe anijes ruse

Një anije e marinës ruse iu afrua në mënyrë agresive të enjten një destrojeri amerikan që po lundronte në veri të detin të Arabisë. Njoftimi u bë nga “Flota e Pestë” e marinës amerikane me bazë në Bahren nëpërmjet një deklarate të publikuar të premten.

Sipas marinës amerikane, anija ruse u duk sikur po kërkonte të përplasej me destrojerin amerikan “USS Farragut” ndaj dhe iu kërkua që të ndryshojë kurs.

“Fillimisht anija ruse refuzoi, por në fund e ndryshoi kursin dhe të dyja anijet krijuan distancë me njëra-tjetrën“, thuhej deklaratën e marinës amerikane.

Lidhur me incidentin agjencitë ruse të lajmeve cituan ministrinë e Mbrotjes të ketë thënë se veprimet e anijes amerikane ishin një shkelje e qëllimtë e normave detare ndërkombëtare. Moska tha se ishte destrojeri amerikan ai që i preu rrugën anijes ruse.

Fraksion.com